Daily Hayat – روزنامہ حیات
Daily Hayat
زبان / LanguageEnglish
منگل، 22 ستمبر 2026•11:00 PMPKT
ای پیپر
mumtazkhaksar6@gmail.com
+92 345 8886292
جملہ حقوق بحق روزنامہ حیات محفوظ ہیں۔
ADاشتہار / AdvertisementGoogle Ad
صفحہ اولپاکستانفیلڈ مارشل کا میران شاہ کا دورہ، کے پی پولیس کو خراج تحسین

فیلڈ مارشل کا میران شاہ کا دورہ، کے پی پولیس کو خراج تحسینپاکستان

hammadkhaksar
hammadkhaksar
جمعہ، 20 نومبر، 2026
3 منٹ
ہمیں فالو کریں:WhatsAppFacebook

فیلڈ مارشل سید عاصم منیر نے میران شاہ کا دورہ کیا، یادگار شہدا پر حاضری دی اور خیبر پختونخوا پولیس کو دہشت گردی کے خلاف صف اول کی بہادر فورس قرار دیا۔

فیلڈ مارشل کا میران شاہ کا دورہ، کے پی پولیس کو خراج تحسین
شیئر کریں:

چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے جمعے کو شمالی وزیرستان کے علاقے میران شاہ کا دورہ کیا جہاں انہوں نے خیبر پختونخوا پولیس کو دہشت گردی کے خلاف جنگ میں صف اول کی بہادر فورس قرار دیتے ہوئے اس کی قربانیوں کو خراج تحسین پیش کیا۔

پاک فوج کے شعبہ تعلقات عامہ (آئی ایس پی آر) کے مطابق میران شاہ پہنچنے پر کور کمانڈر پشاور نے فیلڈ مارشل عاصم منیر کا استقبال کیا۔ اس موقع پر انہوں نے یادگار شہدا پر حاضری دی، پھولوں کی چادر چڑھائی اور وطن کے دفاع میں جانوں کا نذرانہ پیش کرنے والے پاک فوج کے شہدا کو خراج عقیدت پیش کیا۔

ADاشتہار / AdvertisementGoogle Ad

دورے کے دوران فیلڈ مارشل کو شمالی وزیرستان کی موجودہ سکیورٹی صورتحال، جاری انٹیلی جنس بیسڈ آپریشنز اور دہشت گردی کے خلاف حاصل ہونے والی کامیابیوں کو مستحکم کرنے کے لیے کیے جانے والے اقدامات سے آگاہ کیا گیا۔ انہیں علاقے میں دیرپا امن و استحکام یقینی بنانے کی حکمت عملی پر بھی بریفنگ دی گئی۔

فیلڈ مارشل سید عاصم منیر نے افسران اور جوانوں سے ملاقات کی اور ان کی پیشہ ورانہ مہارت، اعلیٰ تربیت، آپریشنل تیاری اور ملکی دفاع و سلامتی کے لیے غیر متزلزل عزم کو سراہا۔

خیبر پختونخوا پولیس کی بہادری اور قربانیوں کو خراج تحسین پیش کرتے ہوئے آرمی چیف نے اسے دہشت گردی اور فتنہ الخوارج کے خلاف جنگ میں صف اول کی فورس قرار دیا اور پولیس کی ثابت قدمی اور جدوجہد پر فخر کا اظہار کیا۔

فیلڈ مارشل عاصم منیر نے اس عزم کا اعادہ کیا کہ سکیورٹی فورسز اور قانون نافذ کرنے والے ادارے قریبی رابطے اور باہمی تعاون سے دہشت گردی کا فیصلہ کن خاتمہ کریں گے اور خیبر پختونخوا میں بڑی قربانیوں کے بعد حاصل ہونے والے امن و استحکام کا ہر قیمت پر تحفظ یقینی بنائیں گے۔

فیلڈ مارشل کا یہ دورہ ایسے وقت میں ہوا ہے جب شمالی وزیرستان میں سکیورٹی فورسز کی انٹیلی جنس بیسڈ کارروائیاں جاری ہیں۔ آئی ایس پی آر کے مطابق 14 نومبر کو میر علی، دتہ خیل اور علی خیل میں کارروائیوں کے دوران 16 دہشت گرد ہلاک ہوئے جن میں علی خیل میں مارے گئے 12 میں دو افغان شہری بھی شامل تھے، جبکہ فائرنگ کے تبادلے میں حوالدار عصمت علی اور نائیک آفتاب علی شہید ہوئے تھے۔

فیلڈ مارشل کا میران شاہ کا دورہ، کے پی پولیس کو خراج تحسین