Daily Hayat – روزنامہ حیات
Daily Hayat
زبان / LanguageEnglish
منگل، 22 ستمبر 2026•11:00 PMPKT
ای پیپر
mumtazkhaksar6@gmail.com
+92 345 8886292
جملہ حقوق بحق روزنامہ حیات محفوظ ہیں۔
ADاشتہار / AdvertisementGoogle Ad
صفحہ اولمیرپورمیرپور چیمبر کے وفد کی وفاقی وزیر ریلوے حنیف عباسی سے ملاقات

میرپور چیمبر کے وفد کی وفاقی وزیر ریلوے حنیف عباسی سے ملاقاتمیرپور

hammadkhaksar
hammadkhaksar
جمعہ، 20 نومبر، 2026
3 منٹ
ہمیں فالو کریں:WhatsAppFacebook

میرپور چیمبر آف کامرس اینڈ انڈسٹری کے اعلیٰ سطحی وفد نے صدر چوہدری کاشف نذیر بجاڑ کی قیادت میں اسلام آباد میں وفاقی وزیر ریلوے حنیف عباسی سے ملاقات کی اور آزاد کشمیر کی معیشت، تجارت اور سرمایہ کاری پر تبادلہ خیال کیا۔

میرپور چیمبر کے وفد کی وفاقی وزیر ریلوے حنیف عباسی سے ملاقات
شیئر کریں:

میرپور آزاد جموں و کشمیر چیمبر آف کامرس اینڈ انڈسٹری کے اعلیٰ سطحی وفد نے صدر چیمبر چوہدری کاشف نذیر بجاڑ کی قیادت میں وفاقی وزیر برائے ریلوے حنیف عباسی سے پاکستان سیکرٹریٹ اسلام آباد میں ملاقات کی، جس میں آزاد کشمیر کی معاشی صورتحال، صنعتی و تجارتی ترقی، سرمایہ کاری کے فروغ اور کاروباری برادری کو درپیش مسائل پر تفصیلی تبادلہ خیال کیا گیا۔

ملاقات میں وفد نے آزاد کشمیر میں صنعتی سرگرمیوں کے فروغ، نئی سرمایہ کاری کے مواقع پیدا کرنے، کاروباری ماحول کی بہتری اور تاجروں و صنعت کاروں کو درپیش مسائل کے حل کے لیے وفاقی حکومت کی توجہ مبذول کرائی۔

ADاشتہار / AdvertisementGoogle Ad

وفد نے اس بات پر زور دیا کہ آزاد کشمیر کی صنعتی و تجارتی استعداد سے بھرپور استفادے کے لیے وفاقی حکومت کی سرپرستی اور عملی تعاون ناگزیر ہے۔

وفاقی وزیر حنیف عباسی نے وفد کی تجاویز اور مؤقف کو سراہتے ہوئے آزاد کشمیر کی معاشی و صنعتی ترقی میں خصوصی دلچسپی کا اظہار کیا۔ انہوں نے یقین دہانی کرائی کہ کاروباری برادری کے مسائل کے حل، سرمایہ کاری کے فروغ اور تجارتی سرگرمیوں میں اضافے کے لیے وفاقی حکومت ہر ممکن تعاون فراہم کرے گی۔

اس موقع پر صدر میرپور چیمبر چوہدری کاشف نذیر بجاڑ نے وفاقی وزیر کو میرپور چیمبر آف کامرس اینڈ انڈسٹری کے دورے کی باضابطہ دعوت دی، جسے حنیف عباسی نے خوش دلی سے قبول کرتے ہوئے جلد میرپور کا دورہ کرنے کی یقین دہانی کرائی۔

وفد نے وزیراعظم پاکستان محمد شہباز شریف سے ملاقات کی درخواست بھی پیش کی، تاکہ آزاد کشمیر کی کاروباری و صنعتی برادری کو درپیش مسائل، سرمایہ کاری کے امکانات اور خطے کی معاشی ترقی سے متعلق تجاویز براہِ راست وزیراعظم کے سامنے رکھی جا سکیں۔ وفاقی وزیر نے اس سلسلے میں ملاقات کے انتظامات اور پیش رفت کے لیے اپنے بھرپور تعاون کی یقین دہانی کرائی۔

وفد میں نائب صدر خواجہ ظفر اقبال، سابق صدر چوہدری صہیب سعید، ایگزیکٹو ممبران ممتاز رسول میر، سہیل شفیع اپل، عمران منیر، ذیشان چوہان اور سیکرٹری جنرل خواجہ یامین شامل تھے۔

وفد نے وفاقی وزیر کے مثبت ردعمل اور تعاون کی یقین دہانی پر ان کا شکریہ ادا کرتے ہوئے امید ظاہر کی کہ اس ملاقات سے وفاقی حکومت اور آزاد کشمیر کی کاروباری برادری کے درمیان روابط مزید مستحکم ہوں گے اور خطے میں صنعتی و تجارتی سرگرمیوں کو فروغ ملے گا۔

میرپور چیمبر کے وفد کی وفاقی وزیر ریلوے حنیف عباسی سے ملاقات